U Dziarždepartamiencie ZŠA admaŭlajuć viadzieńnie pieramoŭ z Hiermanijaj pa hazapravodzie «Paŭnočny patok-2».
26 lutaha ŚMI paviedamlali, što pamiž Złučanymi Štatami i Hiermanijaj idzie abmien dumkami nakont dalejšaha budaŭnictva «Paŭnočnaha patoku-2».
U chodzie bryfinhu namieśnik pamočnika amierykanskaha dziaržsakratara pa spravach Jeŭropy i Jeŭrazii Moli Manthomiery zajaviła, što nijakich pieramoŭ pa mahčymaj uhodzie, jakaja dazvoliła b praciahnuć budaŭnictva trubapravoda, ź niamieckim bokam nie viadziecca.
Pradstaŭniki amierykanskaha źniešniepalityčnaha viedamstva adznačyli, što farmuloŭku «abmien mierkavańniami» nie varta tłumačyć jak pieramovy, administracyja ZŠA tolki vykazała Bierlinu svaju zaniepakojenaść budaŭnictvam hazapravoda padčas zvyčajnych dypłamatyčnych kantaktaŭ.
