— Maralna da hetaha byŭ hatovy ŭžo 8 śniežnia, — raspaviadaje Andrej. — Kali ŭ rajvykankam adnieśli dakumienty na rehistracyju zavadskoj piaršoŭki BNP, zastavałasia tolki nazirać i čakać «svajoj hadziny».
Tady na stoł kiraŭnika meryi lahli imiony 11 aktyvistaŭ, jakija vyrašyli ŭziać stvareńnie niezaležnaha ruchu ŭ svaje ruki. Siońnia na zavodzie zastalisia pracavać šaściora ź ich, astatnich zvolnili.
Martysiuka zvolnili za prahuły, jak i niekatorych jaho paplečnikaŭ: kiraŭnictva nie paličyła pavažnaj pryčynaj adbyvańnie sutak u IČU.
Andreja 8 lutaha źmiaścili ŭ izalatar dasiedžvać termin, jaki byŭ vyniesieny jamu jašče ŭ žniŭni.
Adbyvać prysudžanyja 15 sutak Martysiuka advieźli ŭ Žytkavicki IČU. Ale ŭžo na čaćviorty dzień adpuścili — tady, 14 žniŭnia, paśla sustrečy miascovych uładaŭ z haradžanami načalnik milicyi paabiacaŭ vypuścić na volu ŭsich žłobinskich «palitykanaŭ».
Pa vychadzie ź IČU Andrej źbiraŭsia ŭ adpačynak, jaki byŭ zahadzia ŭzhodnieny z načalstvam, ale zamiest jaho atrymaŭ rasparadžeńnie na zvalnieńnie.