«Učora jaje etapavali na sudova-psichałahična-psichijatryčnuju ekśpiertyzu. Nakolki viedaju, jana zajmaje kala dvuch tydniaŭ. Palina ŭvohule admaŭlajecca ad dačy pakazańniaŭ padčas śledstva. Kaža supracoŭnikam, što jany nielehitymnyja. Mnie zdajecca, heta prosta pomsta za jaje pazicyju», — ličyć Andrej Šarenda.
Sam jon tolki niadaŭna vyzvaliŭsia paśla 12 sutak.
Nahadajem, Palinu zatrymali 3 studzienia ŭ kvatery, kali pryjšli z ahladam. Pryčynaj dla ahladu było videa, jakoje trapiła ŭ telehram-kanały — na im žančyna źniavažliva vykazałasia pra milicyju, jakaja zabrała jaje muža. Padčas ahladu, pa viersii orhanaŭ, Palina sprabavała sarvać masku z supracoŭnika, čym naniesła pahrozu zdaroŭju i psichałahičnyja pakuty.
Andrej kaža, što za ŭvieś čas atrymaŭ ad žonki tolki adzin list (sa śpisam rečaŭ, jakija treba pieradać), choć da inšych jaje listy dachodziać.
«Jana ŭ dobrym nastroi, nie złamałasia. Hatova zmahacca za svaju pazicyju dalej», — dzielicca jon tym, što viedaje praz advakata.
Čytajcie pa temie:
Na bieraściejskuju Žannu D'Ark zaviali kryminalnuju spravu. A jaje muža ŭ luby dzień mohuć zabrać na sutki
