U płanach dva śpiektakli: «Paŭlinka» (3, 6, 7, 14, 19, 21, 25, 27, 31 sakavika), a taksama «Viečar» Alaksieja Dudarava (19, 23, 30 sakavika).
Nahadajem, što ŭ piatnicu budynak teatra naviedaŭ Alaksandr Łukašenka, jaki paabiacaŭ padtrymku pazastałaj trupie. Bolšaść akcioraŭ zvolnilisia ŭ žniŭni paśla taho, jak zvolnili dyrektara teatra Paŭła Łatušku. Pakul na sajcie ŭ śpisie ŭdzielnikaŭ trupy 10 čałaviek. Paviedamlałasia, što jany buduć dapoŭnienyja studentami Univiersiteta kultury i Akademii mastactvaŭ.
Paŭlinku syhraje studentka 2-ha kursa Univiersiteta kultury Nastaśsia Varankova, Ściapana Krynickaha — Vasil Sušycki, Prancysia Pustareviča — Hienadź Aŭsiańnikaŭ, Jakima Saroku — Illa Kruk, a Volha Niafiodava — Alžbietu.
Paviedamlajecca, što viadučaja śpiektakla — Maryja Zacharevič.
Kvitki kaštujuć ad 5 (bieletaž z abmiežavanym ahladam sceny) da 25 rubloŭ (parter).
