Viečaram u piatnicu nibyta ad imia pazbaŭlenaha rehistracyi pravaabarončaha centra byŭ dasłany list na anhlijskaj movie pa 85 elektronnych adrasach jeŭrapiejskich parłamientaryjaŭ i ambasadaraŭ jeŭrapiejskich krain, paviedamlaje spring96.org.
U im značyłasia, što «Viasna» nibyta surjozna zakłapočanaja rostam parušeńniaŭ pravoŭ hramadzian na svabodu vykazvańnia mierkavańniaŭ i mirnych schodaŭ u šerahu jeŭrapiejskich krain i nibyta zaklikaje pravieści rasśledavańnie takich vypadkaŭ parušeńniaŭ. U dadatku źmiaščałasia 28 fota, vidavočna, spampavanych z adkrytych krynic u internecie.
List byŭ dasłany z adrasa [email protected], jaki nikoli nie naležaŭ i nie maje dačynieńnia da «Viasny».
«Aficyjna zajaŭlajem, što nijakich listoŭ z ukazanaj skryni my nie dasyłali, nijakich zaklikaŭ da jeŭrapiejskich krain nie raspaŭsiudžvali. Rasceńvajem taki list ad imia PC «Viasna» jak brudnuju pravakacyju z boku biełaruskich śpiecsłužbaŭ», — prakamientavaŭ situacyju Aleś Bialacki.
Nahadajem, što 16 lutaha ŭ ofisach arhanizacyi i ŭ pravaabaroncaŭ prajšli pieratrusy.
