Fota: archiŭ Nacyjanalnaha teatra opiery i baleta Biełarusi
Na hety momant navina ab pryznačeńni Izvorskaj, apublikavanaja na aficyjnym sajcie teatra, vydalenaja.
U pres-słužbie Nacyjanalnaha teatra opiery i baleta admovilisia ad kamientaroŭ. Marharyta Izvorska-Jelizarjeva taksama nie kamientuje.
Pavodle infarmacyi Tut.by, režysiora nie zaćvierdzili na hetaj pasadzie ŭ vyšejšych instancyjach. Ale paćviardžeńnia hetamu niama.
Marharyta Izvorska-Jelizarjeva naradziłasia ŭ 1946 hodzie ŭ Bałharyi. Skončyła Bałharskuju (1969) i Leninhradskuju (1974) kansiervatoryi.
U 1975-1994 hadach pracavała režysioram Dziaržaŭnaha teatra opiery i baleta Biełarusi, z 1975 hoda vykładała ŭ Biełaruskaj kansiervatoryi.
U 2002-2009 hadach — mastacki kiraŭnik Nacyjanalnaha Opiernaha teatra Biełarusi. Tady opiernaja i baletnaja trupy isnavali asobna. Dyrektaram — mastackim kiraŭnikom Nacyjanalnaha teatra baleta Biełarusi źjaŭlaŭsia jaje muž, chareohraf Valancin Jelizarjeŭ.
Syšła z teatra paśla zvalnieńnia Valancina Jelizarjeva. Apošni ŭ 2018 hodzie viarnuŭsia ŭ teatr i zajmaje pasadu jaho mastackaha kiraŭnika.
Ni Jelizarjeŭ, ni Izvorska-Jelizarjeva nijak nie vykazalisia padčas padziej žniŭnia i nie pratestavali suprać zvalnieńnia z Opiery pa palityčnych matyvach šerahu śpievakoŭ i muzykaŭ.
