Fota BBC
Pieśnia nazyvajecca «Patria y vida» («Radzima i žyćcio»), i heta źmienieny viadomy słohan časoŭ revalucyi Fidela Kastra. Toj hučaŭ jak «Patria o muerte» («Radzima abo śmierć»).
Siarod vykanaŭcaŭ novaha chita jość kubinskija repiery z dysidenckaha kalektyvu, što staŭ natchnieńniem dla akcyi pratestu suprać represij kala Ministerstva kultury ŭ Havanie letaś u listapadzie.
Tekst pieśni raspaviadaje pra nieciarpimaść dziaržaŭnaj ideałohii, dalaryzacyju ekanomiki na Kubie, niedachop ježy i masavuju emihracyju maładych kubincaŭ, jakija nie bačać dla siabie budučyni na vostravie.
Videaklip chita za čatyry dni sabraŭ paŭtara miljona prahladaŭ i vyklikaŭ burnyja dyskusii ŭ sacyjalnych sietkach, piša Reuters.
Kubinskija dziaržaŭnyja miedyja i čynoŭniki adreahavali na «Patria y vida» škvałam krytyki ŭ sacyjalnych sietkach. Pa ich mierkavańni, novaja pieśnia nie patryjatyčnaja i nie maje mastackaj vartaści, a jaje vykanaŭcy prosta sprabujuć rubić babło siarod emihracyi ŭ Majami.
Jak tłumačyć Majkł Bustamante, vykładčyk historyi Łacinskaj Amieryki ŭ Mižnarodnym univiersitecie Fłarydy, pieśnia demanstruje ŭzdym vyražanaha niehatyvu suprać kubinskaha ŭrada siarod bolš maładych pakaleńniaŭ mihrantaŭ z Kuby.
Ale jana adhuknułasia i tym, chto jašče žyvie na vostravie, asabliva moładzi, jakaja z času źjaŭleńnia na Kubie mabilnaha internetu dva hady tamu ŭsio bolš hučna vyražaje svajo niezadavalnieńnie situacyjaj u krainie.
