17 lutaha ŭ Polšču pasprabavaŭ zajechać hramadzianin Biełarusi. Pry praviercy vyśvietliłasia, što mužčyna ŭ vyšuku pavodle Jeŭrapiejskaha orderu na aryšt. Jon byŭ uklučany ŭ jeŭrapiejskija bazy asob, jakija adšukvajucca, z 2011 hoda za złačynstvy, učynienyja ŭ 2009-2010 hadach.
Mužčynu abviaścili ŭ vyšuk niamieckija pravaachoŭniki za arhanizavany razboj z prymianieńniem ahniastrelnaj zbroi i kradziažy. Jamu prypisvajuć udzieł u 5 napadach na banki ŭ Hiermanii. Zhodna ź miascovym zakonam jamu pahražaje da 15 hadoŭ pazbaŭleńnia voli.
40-hadovaha biełarusa paśla vykanańnia nieabchodnych dziejańniaŭ pieradali supracoŭnikam palicyi ŭ Sakołcy. Dalejšyja dziejańni pa hetaj spravie budzie vieści prakuratura ŭ Biełastoku.
0
0
0
0
0
0
