«Pa materyjałach kryminalnaj spravy pad nikam Ivaplast Kiev, abanienta irakskaha mabilnaha apieratara, znachodzicca nie chto inšy, jak Siamion Siamienčanka. Historyja zapomnić jaho kamandziram dabravolnickaha bataljona «Danbas», jaki vajavaŭ na paŭdniovym uschodzie Ukrainy ŭ 2014 hodzie», — śćviardžali aŭtary filma. Nibyta Siamienčanka datyčny da zabieśpiačeńnia zbrojaj hrupy Mikałaja Aŭtuchoviča.
U intervju «Jeŭraradyjo» Siamienčanka paviedamiŭ, što nie byŭ znajomy z Aŭtuchovičam.
«Ja naohuł jaho raniej nie viedaŭ. Da Biełarusi ja staŭlusia dobra, u mianie mama sama rodam z horada Lida. Vielmi lublu biełaruskaje maroziva. Hałoŭnaje dla mianie, kab my nie psavali adnosiny ź Biełaruśsiu i kab tut ruskija, jakija viaduć suprać nas ahresiju, nie pahražali nam jašče i z taho fłanhu. Ale z palitykami ja nie znajomy», — śćviardžaje jon.
Siemienčanka nahadaŭ, što ŭ 2014 hodzie rasijskija ŚMI abvinavacili jaho ŭ handli čałaviečymi orhanami. Na telekanale była pakazana nibyta jaho pierapiska z kiraŭnikom SBU i niamieckim doktaram. Havorka viałasia ab handli orhanami ŭkrainskich sałdat.
«Niejkija skrynšoty, strašnyja niejkija čałaviekanienaviśnickija rečy. I tut toje ž samaje. Ale tak jak ja da hetaha staŭlusia z humaram, ja jašče raz chaču skazać, što dla mianie heta było viartańniem u ramantyčny 14-y.
Ale adzinaje, ja tak razumieju, što ludziam, jakich u hetym abvinavačvajuć u Biełarusi, ciapier vidavočna nie sałodka. Tamu što pra sud ja nie čuŭ, ale tym nie mienš čamuści ŭžo ciapier ich ličać złačyncami, jakija naohuł fejkavy aŭtobus niejki chacieli padarvać. Ničoha nie zrazumieŭ, akramia taho, što čarhovaja prapahanda pajšła, na žal», — kaža jon.
Siamienčanka nie razumieje, čamu z pakazanych u filmie ANT skrynšotaŭ pavinna vychodzić, što ŭ pierapiscy fihuruje mienavita jon.
«Tut u mianie čamuści irakski numar. ( … ) Čamu heta ja, ja tak i nie zrazumieŭ. Kali b pakazali niejkija śviedčańni ludziej, choć by tych, jakich abvinavačvajuć u hetych tak zvanych terarystyčnych aktach. Choć ja tam teraktu naohuł nie ŭbačyŭ. Tam nibyta padpały damoŭ i mašyn, padčas jakich nie zahinuŭ nivodzin čałaviek», — kaža jon.
«Vielmi dzika, što na asnovie niejkich malunkaŭ robicca vysnova ab datyčnaści zusim starońniaha čałavieka da niejkich momantaŭ. Ździŭleny ja», — skazaŭ Siamienčanka.
Čytajcie taksama: U efiry ANT pakazali 20-chvilinny film pra «bandu Aŭtuchoviča». Piać nazirańniaŭ
