Ministerstva transpartu i kamunikacyj Biełarusi hatova da padpisańnia z Rasijaj pahadnieńnia ab arhanizacyi pieravałki biełaruskich naftapraduktaŭ u rasijskich partach, ale z-za pracedurnych pytańniaŭ heta budzie mahčyma zrabić paśla 15 lutaha. Pra heta TASS paviedamili ŭ pres-słužbie Mintransa.
«Jašče zaviaršajucca ŭnutrydziaržaŭnyja pracedury pa padrychtoŭcy da padpisańnia, tamu mierkavanaja sustreča budzie pieraniesienaja», — skazała pres-sakratar.
Prajekt pahadnieńnia praduhledžvaje pieravałku biełaruskimi pradpryjemstvami bolš za 9,8 młn ton hruzaŭ u rasijskich partach u Bałtyjskim mory ŭ 2021-2023 hadach. Havorka idzie ab takich hruzach, jak mazut, bienzin i aliva. Dziejańnie pahadnieńnia raźličana da kanca 2023 hoda z mahčymaściu aŭtamatyčnaha padaŭžeńnia. Apieratary marskich partovych terminałaŭ Leninhradskaj vobłaści i Sankt-Pieciarburha paćvierdzili hatoŭnaść pieravałki hetych naftapraduktaŭ i pradastaŭleńnia źnižak pry ŭmovie zaklučeńnia doŭhaterminovych dahavoraŭ, zychodziačy z płanavanaha abjomu naftapraduktaŭ.
