Dakumient padpišuć u Maskvie ministr transpartu i kamunikacyj Biełarusi Alaksiej Aŭramienka i ministr transpartu Rasii Vital Savieljeŭ, paviedamlaje BiełTA.
«Prajekt pahadnieńnia praduhledžvaje pieravałku biełaruskimi pradpryjemstvami bolš jak 9,8 młn t hruzaŭ u rasijskich partach na Bałtycy ŭ 2021-2023 hadach. Havorka idzie ab takich hruzach, jak mazut, bienzin i aliva. Pahadnieńnie praduhledžvaje zaklučeńnie kantraktaŭ pa pryncypie take-or-pay. Kali hruzaadpraŭščyk zabiaśpiečvaje pieravałku ŭ abjomie mienš ŭzhodnienaha, marski terminał u lubym vypadku atrymlivaje płatu za ŭvieś uzhodnieny abjom», — adznačajecca ŭ paviedamleńni.
Dziejańnie pahadnieńnia raźličana da kanca 2023 hoda z mahčymaściu aŭtamatyčnaha padaŭžeńnia. «Apieratary marskich partovych terminałaŭ Leninhradskaj vobłaści i Sankt-Pieciarburha paćvierdzili hatoŭnaść pieravałki dadzienych naftapraduktaŭ i pradastaŭleńnie źnižak pry ŭmovie zaklučeńnia doŭhaterminovych dahavoraŭ, zychodziačy z płanavanaha abjomu naftapraduktaŭ», — padkreślili ŭ rasijskim Mintransie.