— My ŭsie bačym, biełaruskaje hramadstva padzielena na dźvie častki. Adna častka — heta vy, prychilniki dziejnaj ułady, druhaja častka — heta my, jaje palityčnyja apanienty, — źviarnułasia jana da delehataŭ i haściej UNS.
— Siońniašniaje mierapryjemstva možna śmieła nazvać «źlotam pieramožcaŭ». Tak, u hetym elektaralnym cykle vy akazalisia bolš mocnymi, zhurtavanymi, arhanizavanymi. Vas akazałasia bolš, vam było što hublać, i vy pieramahli, — zajaviła eks-kandydat u prezidenty.
Pry hetym Kanapackaja ličyć, što nielha pakinuć biez naležnaj uvahi i reahavańnia biesprecedentnaje ŭmiašańnie va ŭnutranyja spravy Biełarusi ŭ pieryjad padrychtoŭki, praviadzieńnia i zaviaršeńnia prezidenckich vybaraŭ z boku susiednich dziaržaŭ, u pieršuju čarhu — Rasii. Na dumku Kapapackaj, heta ŭmiašańnie pryviało nie tolki da eskałacyi supraćstajańnia ŭnutry biełaruskaha hramadstva, ale i mieła niehatyŭnyja ekanamičnyja nastupstvy na miljardy dalaraŭ.