5 lutaha furu z cyharetami zatrymali ŭ punkcie propusku «Łavaryški» (biełaruski bok — «Katłoŭka»), paviedamlaje «Źviazda»
Pavodle dakumientaŭ, u aŭto pieravozili hipsavuju tynkoŭku i minieralnuju vatu, adnak užo pry pieršapačatkovym ahladzie transpartnaha srodku litoŭskija mytniki vyjavili, što budmateryjały — tolki prykryćcio kantrabandy. Skrynki z cyharetami znajšli za falšyvaj panellu z DSP, u kabinie mašyny i ŭ dadatkovym bahažniku pad paŭpryčepam. Usiaho było znojdziena i kanfiskavana 255 tys. pačak cyharet marak Fest, Minsk i NZ Gold.
Fota litoŭskaj mytni
Na nastupny dzień, 6 lutaha, anałahičnuju znachodku ŭ adnoj z fur, jakija ruchalisia taksama ź Biełarusi ŭ Kalininhrad, vyjavili mytniki ŭ punkcie propusku «Miadzininkaj» (ź biełaruskaha boku «Kamienny łoh»). Zamiest praduktaŭ charčavańnia, jakija byli paznačany ŭ nakładnych, u aŭto byli znojdzienyja 400 tys. pačak cyharet marki Fest.
Košt dvuch partyj kantrabandnych cyharet litoŭskija mytniki acanili ŭ 2,2 młn jeŭra. Zatrymany ŭ «Łavaryškach» dalnabojščyk, hramadzianin Rasii, byŭ vyzvaleny z-pad varty pad padpisku ab niavyjeździe. Biełarus, zatrymany ŭ punkcie propusku «Miedniki», rašeńniem Vilenskaha rajonnaha suda aryštavany na adzin miesiac.
