Z čym źviazany vizyt milicyjantaŭ — nieviadoma. Taćciana paśpieła paviedamić, što da jaje pryjšła milicyja, i suviaź źnikła. Na vulicy byŭ zatrymany jaje starejšy 18-hadovy syn.
Siońnia ŭ Homli taksama zatrymali aktyvistku Nastu. Jana niekalki dzion chavałasia ad milicyi ŭ žychara Homiela Rusłana Sasykbajeva. «Siońnia viečaram pryjšła milicyja z vobšukam, na jaki daŭ sankcyju prakuror. Mnie patłumačyli, što nibyta na telehram-kanale «Fłahštok» źjavilisia niejkija zdymki niekaha ź bieł-čyrvona-biełym ściaham. U mianie zabrali stary noŭtbuk, telefon. I zatrymali Nastu, jakaja była ŭ nas doma. Jaje padazrajuć u administravańni niejkaha telehram-čatu», — raspavioŭ Rusłan Sasykbajeŭ.
Praź milicejski pieraśled uvosień była vymušanaja źjechać za miažu jahonaja žonka — valanterka Nasta Sasykbajeva. Jana źjechała razam z 10-hadovym synam.
