Uładzimir Rodčanka — inžynier-prahramist u «Godel Technologies». Jamu 32 hady, jon žanaty, maje dziaciej piaci i siami hadoŭ. Jon rehularna padtrymlivaŭ akcyi salidarnaści ŭ Hrodnie ŭ červieni i lipieni 2020 hoda.
12 žniŭnia 2020 hoda Uładzimir z tryma znajomymi ŭstaŭ na kaleni nasuprać Hrodzienskaha abłvykankama z fota piacihadovaj dziaŭčynki, jakaja paciarpieła ŭviečary napiaredadni. Chłopcaŭ zatrymali, źbili ŭ RAUS i razmalavali tvar markieram. Uviečary 12 žniŭnia Uładzimir trapiŭ u balnicu chutkaj miedycynskaj dapamohi. Paźniej jaho nieadnarazova sudzili pa art. 23. 34 KaAP, a jon sprabavaŭ abskardzić rašeńni suda.
Godel Technologies — IT-kampanija pa akazańni pasłuh u śfiery raspracoŭki prahramnaha zabieśpiačeńnia ŭ Jeŭropie. Ofisy znachodziacca ŭ 12 haradach Biełarusi i nie tolki.
