Paśla troch hadoŭ zmahańnia ź ciažkaj chvarobaj pamierła Halina Kuncevič — nastaŭnica fiziki i matematyki i zachavalnica kulturnych tradycyj z Zasłaŭja. Ëj było 53 hady.
Halina Kuncevič siarod kaladoŭnikaŭ u Minsku. U 1980-ja hetyja moładzievyja inicyjatyvy byli ŭ pieršych šerahach abaroncaŭ biełaruskaj kultury.
Halina Kuncevič była rodam z patomnaj siamji zasłaŭskich nastaŭnikaŭ. Jana vyrasła na vulicy Vialikaj i ŭsio žyćcio pražyła ŭ Zasłaŭi.
Jašče školnicaj jana ź siabrami stvaryła hurt «Zasłaŭskija letucieńniki», jaki dziejničaŭ 10 hadoŭ — ładzili Kupalli, Kalady, Hukańni viasny spačatku ŭ Zasłaŭi, paśla pa ŭsioj Biełarusi. Źbirała falkłor. Kali skončyła instytut i stała nastaŭničać, stvaryła biełaruskamoŭny kabiniet fiziki i matematyki ŭ zasłaŭskaj škole № 1.
Bałatavałasia ŭ deputaty pa Minskaj vobłaści — zajmała adkaznuju hramadzianskuju pazicyju pa žyćci. Staŭšy mamaj troch synoŭ, jana ŭ vysokaj hramadzianskaj pazicyi vychoŭvała svaich siamiejnikaŭ.
«Zasłaŭskija letucieńniki» na adkryćci Biełaruskaha muzieja ŭ Hajnaŭcy. Halina Kuncevič — u centry.
«Heta była pryhožaja žančyna vonkava i ŭnutrana», — płača pa joj jaje siabroŭka Taćciana Haranskaja.
Pachavańnie Haliny Kuncevič adbudziecca zaŭtra, 8 lutaha, u Zacharyčach pad Zasłaŭjem.
