Raniej aryštavanyja kvatera, dom i dźvie mašyny Žabaravaj zastajucca pad aryštam. Žančyna vinu nie pryznała. Jana zajaviła, što budzie abskardžvać prysud.
Fota Uładzimira Łapceviča, 6tv.by
Nahadajem, pra zatrymańnie byłoj načalnicy ŭpraŭleńnia kultury Mahiloŭskaha harvykankama Iryny Žabaravaj stała viadoma ŭ sakaviku 2020 hoda. U listapadzie 2020 pačaŭsia sud nad joj — Žabaravu abvinavacili ŭ atrymańni chabaraŭ na sumu bolš za 31 tysiaču rubloŭ. Joj staviać u vinu 8 epizodaŭ atrymańnia chabaraŭ.
Pavodle abvinavačvańnia i śledstva, Žabarava, znachodziačysia na kiraŭnickaj pasadzie, atrymlivała chabar z 2015 pa 2020 hod. Usiaho čynoŭnica, pavodle ahučanych źviestak prakuratury, 8 razoŭ atrymlivała chabar ad dyrektara pradpryjemstva «Art-kancert» Mažejki i eks-dyrektara «Łaziernych šou-sistem» Alaksandra Laksakava za ŭdzieł ich kampanij u arhanizacyi i praviadzieńni kulturna-masavych mierapryjemstvaŭ, jakija pravodziacca Mahiloŭskim harvykankamam i jaho strukturnymi padraździaleńniami. Zhodna z materyjałami spravy, Žabarava prymała hrošy ŭ padziemnym pierachodzie kala stancyi mietro «Mahiloŭskaja» ŭ Minsku, pablizu chutkasnych aŭtatras, u svaim słužbovym kabiniecie, la hipiermarkieta «Je-sici» ŭ Mahilovie.
mogilevnews.by
U sudzie Iryna Žabarava zajaŭlała ab svajoj nievinavataści, pra cisk z boku KDB i sproby viarboŭki jaje z metaj špijanažu za kiraŭnikom administracyi horada i jaho padnačalenymi.
Eks-hiendyrektar ZAT «Łaziernyja šou-sistemy» Alaksandr Laksakaŭ prachodzić pa spravie jak davalnik chabaru. Jaho abvinavačvajuć u pieradaču čynoŭnicy 550 rubloŭ. Jon pryznaŭ vinu, napisaŭ jaŭku z pavinnaj i nie znachodzicca pad vartaj. U apošnim słovie Laksakaŭ padrabiazna raspavioŭ, čamu raskajvajecca i «hatovy panieści zasłužanaje pakarańnie».
Dziaržabvinavačańnie patrabavała dla Žabaravaj 6 hadoŭ kałonii strohaha režymu, štraf 500 bazavych vieličyń i pazbaŭleńnie jaje prava zajmać kirujučyja pasady na 5 hadoŭ. Na dumku prakurora Taćciany Kaściuški, vina padsudnaj dakazanaja.
Alaksandra Laksakava abvinavačvańnie paprasiła aštrafavać na 400 bazavych vieličyń.
