BiełTA
«Pad lubymi padstavami tak zvany kalektyŭny Zachad imkniecca prytarmazić naša ekanamičnaje raźvićcio. Uvodziacca sankcyi, błakujecca finansavańnie i realizacyja važnych infrastrukturnych prajektaŭ, zabaraniajecca pieradača technałohij, spyniajecca pastaŭka technałohij, nieabchodnych dla vytvorčaści pieradavoj pradukcyi i kamplektujučych. Anałahičnaja situacyja i z dostupam na źniešnija rynki», — zajaviŭ Hałoŭčanka ŭ piatnicu na pasiadžeńni Jeŭrazijskaha mižuradavaha savieta ŭ Ałmaty (Kazachstan).
Premjer-ministr Biełarusi vykazaŭ zdahadku, što takaja situacyja stvaraje pieradumovy dla aktyŭnaha raźvićcia impartazamiaščeńnia: «u pieršuju čarhu, heta datyčycca stratehičnaj pradukcyi i technałohij».
«Źniešni śviet imkliva źmianiajecca, pratekcyjanizm imkliva ŭzmacniajecca, i asabliva heta charakterna dla našych zachodnich partnioraŭ. Tamu liču svoječasovym uklučeńnie ŭ paradak dnia pytańniaŭ, jakija my hruntoŭna razhledzieli ŭ vuzkim składzie. Z ulikam ciapierašnich realij nam nieabchodna nie tolki imknucca da zaklučeńnia novych handlovych pahadnieńniaŭ, ale i ŭmieć abaraniać svaje pravy va ŭzajemaadnosinach z trecimi krainami, abaraniać mienavita jak błok, jak sajuz», — skazaŭ Hałoŭčanka.
U suviazi z hetym, na jaho dumku, važnaje značeńnie maje pytańnie ab miechaniźmie prymianieńnia mier u adkaz na ŭzroŭni JEAES u vypadku, kali standartnaja pracedura ŭ vyrašeńni sprečak, praduhledžanaja dziejnymi mižnarodnymi damovami, akazvajecca zabłakavanaj u siłu niepradbačanych abstavin abo niesumlennych dziejańniaŭ trecich krain.
