Radyjo Svaboda
Dziaržaŭny abvinavaŭca paprasiŭ pakarać błohiera Paŭła Śpiryna 4 z pałovaj hadami kałonii ahulnaha režymu.
Paŭłu Śpirynu pradjavili abvinavačańnie za dva videabłohi na jutube. Heta film «Hrań» pra narkahandal u Biełarusi, jaki zanieśli ŭ śpis ekstremisckich materyjałaŭ. A taksama błoh «Žudasnaja tajamnica hienprakurora Biełarusi. Kart-błanš na sadyzm» pra padziei 9 žniŭnia i hvałt amapaŭcaŭ suprać mirnych demanstrantaŭ.
Paŭła Śpiryna trymali ŭ kletcy, pad achovaj šaści supracoŭnikaŭ milicyi. Na pačatku pracesu błohier admoviŭsia ad advakata. Razhladała spravu sudździa Dzina Kučuk.
U apošnim słovie 1 lutaha Pavieł Śpiryn skazaŭ, što jahonyja videa — «heta prosta žorstkaja, ale krytyka».
«Naprykład, hazieta administracyi Alaksandra Łukašenki 300-tysiačnym nakładam raspaŭsiudžvaje ŭ razy bolš žorstkuju krytyku, čym ja, zaklikajučy adbirać u pratestoŭcaŭ ź siemjaŭ dziaciej, paraŭnoŭvajučy ich z fašystami i asobami, jakija ŭ vajnu 41-ha hoda adbirali ŭ małaletnich dziaciej kroŭ, — skazaŭ błohier. — I nichto hetych žurnalistaŭ i redaktaraŭ u raspalvańni varožaści nie abvinavačvaje, heta ličycca prosta žorstkaj krytykaj».