Infarmacyja ab zvalnieńni Ramanoŭskaj źjaviłasia jašče ŭ kastryčniku minułaha hoda. Aficyjnaja pryčyna — prahuły.
Voś što skazaŭ tady hałoŭny trenier zbornaj Biełarusi Mikałaj Kazieka:
«Jaje baćka pieranios insult, nie było kamu vazić jaho ŭ balnicu. Hetym zajmałasia Alaksandra. Jana telefanavała, tłumačyła, ale nichto ŭ RCAP nie źviarnuŭ na heta ŭvahi. Rašeńnie anhažavanaje. My, viadoma, budziem jaho asprečvać».
Adnak pa 3 lutaha Alaksandra znachodziłasia na balničnym i praciahvała adnaŭlacca paśla apieracyi na kalenie. Pa zakanadaŭstvie ŭ takim vypadku nielha zvolnić supracoŭnika.
Adnak užo tady jana zajaŭlała, što zahad na jaje zvalnieńnie ŭžo padpisany.
Alaksandra Ramanoŭskaja padpisała list za novyja vybary i suprać hvałtu. Udzielničała ŭ zapisie videazvarotu da čynoŭnikaŭ biełaruskaha sportu, jakija akazvajuć cisk na spartsmienaŭ za ich hramadzianskuju pazicyju i podpisy spartyŭnaj hramadskaści. Taksama ŭstupiła ŭ svabodnaje abjadnańnie spartsmienaŭ Biełarusi.