«Viestnik Naftana»
2 lutaha sud Navapołacka abviaściŭ rašeńnie nakont pazovu navapałačanki Volhi Brycikavaj da «Naftana». Byłaja načalnica adździeła realizacyi naftapraduktaŭ asprečvała svajo zvalnieńnie, ale sud admoviŭ joj u adnaŭleńni na pracy i nie admianiŭ vyniesienaj joj vymovy.
Nahadajem, 3 śniežnia minułaha hoda Brycikavu zvolnili z pasady načalnicy adździeła realizacyi naftapraduktaŭ. Pierad hetym jaje pazbavili dostupu da dziaržaŭnaj tajamnicy.
A ŭ vieraśni Volha raspaviadała, što ŭpieršyniu za 16 hadoŭ pracy atrymała dyscyplinarnaje spahnańnie ŭ vyhladzie vymovy i pazbaŭleńnia premii za prahuł 20 žniŭnia, kali jana razam z kaleham padličvała podpisy rabotnikaŭ za strajk.
Volha Brycikava asprečvała zvalnieńnie z «Naftana» ŭ sudzie, bo miarkuje, što jano źviazanaje ź jaje aktyŭnaj hramadzianskaj pazicyjaj paśla prezidenckich vybaraŭ. Mienavita jana 17 žniŭnia na sustrečy rabotnikaŭ «Naftana» z tahačasnym kiraŭnikom Kamiteta dziaržkantrolu Ivanam Ciercielem ahučyła patrabavańni zavadčan da respublikanskich i miascovych uładaŭ, a taksama kiraŭnictva pradpryjemstva.
Niadaŭna Volha Brycikava ŭznačaliła arhanizacyju Biełaruskaha niezaležnaha prafsajuza na «Naftanie».