21-hadovy Maksim u vieraśni zvolniŭsia z AMAP i ŭ momant trahiedyi byŭ biespracoŭnym. Žonka zahinułaha raspaviała s13.ru, što da kanca nie moža pavieryć u viersiju suicydu.
U dzień trahiedyi jana razmaŭlała z mužam za dźvie hadziny da śmierci — ni ŭ razmovie, ni ŭ hołasie ničoha dziŭnaha jana nie zaŭvažyła.
— Jon byŭ doma, źbiraŭsia pajechać u hety dzień da baćkoŭ u inšy horad, paprasiŭ zabraniravać jamu bilet, što ja i zrabiła. Pierad hetym jon źbiraŭsia z bratam u akvapark. Ale ŭviečary pierastaŭ adkazvać na ŭsie telefanavańni — maje, brata, siabroŭ.
Ja pryjechała dadomu — i ŭbačyła ŭsio… Mianie źbiantežyli i klučy, jakija byli kinutyja na padłozie, i raźbitaja śviacilnia… Pry hetym u Maksima nie było nijakich drapin abo parezaŭ…
Udava raspaviadaje, što ź milicyi Maksim zvolniŭsia jašče ŭ vieraśni pa stanie zdaroŭja. Da hetaha jon znachodziŭsia na balničnym, i ŭ žniŭni nie prymaŭ udziełu ŭ padziejach, jakija raźvivalisia na vulicach horada.
— Jon naohuł staraŭsia zaŭsiody prytrymlivacca niejtralnaj pazicyi, nie prymaŭ ničyj bok. Ale kazaŭ, što pajści suprać ludziej jon nie zmoža.
U hrodzienskaj milicyi s13.ru paćvierdzili, što zahinuły pracavaŭ u AMAP da vieraśnia.
— Supracoŭnik milicyi mieŭ apalityčnyja pohlady, i jaho zvalnieńnie nijak nie źviazana z padziejami ŭ krainie. Jon daŭno źbiraŭsia zvalniacca, — raspaviali ŭ pres-słužbie UUS Hrodzienskaha abłvykankama.
U zahinułaha zastałasia adnahadovaja dačka.
