Ustanoŭlena jaho dačynieńnie da siami kradziažoŭ u Ždanovičach i Ratamcy z 17 śniežnia pa 27 studzienia, paviedamlaje pres-słužba MUS.
Na «spravu» zatrymany jeździŭ na maršrutkach, jak praviła, pa ranicach u budnija dni, kali haspadary pavinny byli źjechać na pracu. Mužčyna adciskaŭ škłopakiety, załaziŭ unutr i zabiraŭ vyklučna juvielirnyja vyraby i hrošy.
Tak, dniom 17 śniežnia ŭ Ratamcy jon vynies z čužoj kvatery kaštoŭnaści i niekalki hadzińnikaŭ na 17,6 tysiač rubloŭ. Užo praz tydzień zatrymany pabyvaŭ u Ždanovičach i abakraŭ dom piensijaniera na 4 tysiačy rubloŭ.
U siaredzinie studzienia achviaraj stała jašče adna pažyłaja žycharka Ždanovičaŭ, u jaje skrali rečaŭ na 8 tysiač rubloŭ. Pry hetym u dvuch apošnich vypadkach dźviery paciarpiełych byli adkrytymi.
Vyśvietliłasia, što žychar Maładziečanskaha rajona pabyvaŭ jašče ŭ čatyroch damach, adnak nie znajšoŭ tam ničoha kaštoŭnaha.
Apieratyŭnikam udałosia kanfiskavać častku vykradzienaha, ustanaŭlivajucca asoby, jakija majuć dačynieńnie da skupki juvielirnych vyrabaŭ.
Ciapier mužčyna praviarajecca na dačynieńnie da ździajśnieńnia anałahičnych złačynstvaŭ. Raniej jon pryciahvaŭsia da kryminalnaj adkaznaści za kradziažy i niadaŭna vyzvaliŭsia ź miescaŭ pazbaŭleńnia voli ŭ Rasii, dzie adbyvaŭ pakarańnie za kradziažy.
