Zdareńnie adbyłosia ŭ niadzielu kala 20:00, paviedamlaje DAI.
U 102 patelefanavaŭ nieabyjakavy hramadzianin, jaki raspavioŭ, što ŭ rajonie MKAD — vuł. Kižavatava (Kurasoŭščyna) ruchajecca «Tajota», za rulom jakoj, mahčyma, niećviarozy kiroŭca.
Supracoŭniki DAI Kastryčnickaha RUUS vyjechali da miesca zdareńnia. Pabačyŭšy hety aŭtamabil, padali sihnał ab spynieńni, ale kiroŭca nie adreahavaŭ. Pačałasia pahonia, na nieadnarazovyja sihnały ab prypynku parušalnik nie reahavaŭ i praciahvaŭ ruchacca.
Urešcie jaho zatrymali ŭ rajonie MKAD — Daŭhinaŭski trakt.
Kiroŭca byŭ dastaŭleny ŭ balnicu dla ahladu, toj pakazaŭ 3.40 pramile ałkaholu.
Parušalnik nie mieŭ prava kiravańnia transpartnymi srodkami (pazbaŭleny ŭ 2019 hodzie). Składziena niekalki pratakołaŭ, pa adnym ź ich štraf da 50 bazavych, pa druhim da 100 bazavych, jašče pa adnym — 25.
