Fota Depositphotos.com
Uvieś hety čas Rasijaj kiravaŭ Uładzimir Pucin: 4 hady jak premjer-ministr i astatnija hady jak prezident. «Novaja hazieta» padličyła, što za hetu sumu, vyłučanuju na karmleńnie režymaŭ, možna było pabudavać 15 tysiač balnic.
Bolš za ŭsio było vydatkavana na Alaksandra Łukašenku — prykładna adna šostaja hetaj sumy, u tym liku śpisanyja kredyty i roźnica pamiž rynačnaj canoj na enierharesursy i canoj, pa jakoj ich nabyvaŭ Minsk. Łukašenka abychodziŭsia Rasii prykładna ŭ $5 miljardaŭ štohod. Krychu mienš, ale takija ž vidy subsidyj atrymlivaŭ Kijeŭ da źviaržeńnia Janukoviča ŭ 2014 hodzie, piša vydańnie Rzeczpospolita.
Užo 7 hadoŭ Rasija niasie straty ad akupacyi Danieckaj i Łuhanskaj abłaściej. «Faktyčna ŭsio dastaŭlajecca tudy biaspłatna za košt padatkapłacielščykaŭ», — śćviardžaje maskoŭski ekśpiert Michaił Krucichin. Naprykład, Danbas atrymlivaje biaspłatna haz ad Hazproma.
Anałahičnaja situacyja i ź inšymi niepryznanymi abłaściami: Abchazijaj, Paŭdniovaj Asiecijaj i Prydniastroŭjem. Usie jany biaspłatna zabiaśpiečvajucca rasijskaj elektraenierhijaj, a častka žycharoŭ atrymlivaje piensii ad Kramla.
Šmat srodkaŭ było vyłučana rasijskim uradam u jakaści dapamohi Vieniesuele (prykładna $20 miljardaŭ) i Siryi ($4,7 miljarda). Nakont Siryi niemahčyma dakładna padličyć usie vydatki na rasijskuju vajennuju interviencyju, pakolki heta infarmacyja źjaŭlajecca zasakrečanaj. Toje ž samaje ŭ Danbasie, dzie, pa źviestkach ukrainskaj raźviedki, znachodzicca kala 2 tysiač rasijskich sałdat rehularnaj armii.
Taksama varta adznačyć, što za apošnija 20 hadoŭ Kreml śpisaŭ bolš za $116 miljardaŭ daŭhoŭ, jakija krainy treciaha śvietu ŭziali jašče ŭ SSSR. Paŭnočnaj Karei, naprykład, Rasija prabačyła $11 miljardaŭ, a Iranu — $12 miljardaŭ.
