Dniom 29 studzienia Nadzieja Kalinina pierastała vychodzić na suviaź. Jana sprabavała patrapić na źjezd delehataŭ UNS pa Minsku, jaki ŭ 16.00 pačaŭsia ŭ DK «Kamvol».
Paźniej stała viadoma, što dziaŭčyna znachodzicca ŭ RUUS Leninskaha rajona Minska. Tam paviedamili, što jana zatrymanaja i jany «bolš ničoha nie skažuć». U pres-słužbie MUS spačatku paviedamili, što žurnalistku dastavili ŭ RUUS dla pravierki dakumientaŭ.
Pakul žurnalistka znachodziłasia ŭ RUUS, da jaje nie puścili advakata. 62-i artykuł Kanstytucyi Respubliki Biełaruś harantuje kožnamu prava karystacca jurydyčnaj dapamohaj advakata ŭ luby momant.