— Pavodle śledstva, nočču 6 studzienia ŭ pamiaškańni adnaho z hulniavych kłubaŭ u Minsku supracoŭnikami milicyi zatrymany 22-hadovy małady čałaviek, pry asabistym pieratrusie u jakoha vyjaŭleny niebiaśpiečny narkatyčny srodak — hašyš, masaj 0,4 hrama, — raspaviała aficyjny pradstaŭnik USK pa Minsku Kaciaryna Harlinskaja.
U dačynieńni da artysta zaviedzienaja kryminalnaja sprava pa č. 1 art. 328 Kryminalnaha kodeksa Biełarusi. Da jaho prymieniena miera strymańnia ŭ vyhladzie zakładu.
Nahadajem, raniej u ŚMI źjaviłasia infarmacyja ab tym, što artyst byŭ zatrymany z 2 kh hašyšu. Sam Cima Biełaruskich apublikavaŭ u Instagram videa, u jakim źniapraŭdziŭ abvinavačvańni i rastłumačyŭ, što znachodzicca doma, adnak ź im usio ŭ paradku.
0
0
0
0
0
0
