Stvaralnik i były kamandzir AMAPa Buracii, a paśla sienatar ad Irkuckaj vobłaści i pieršy sakratar burackaha adździaleńnia KPRF Viačasłaŭ Marchajeŭ prakamientavaŭ mitynhi ŭ Rasii. Jon miarkuje, što aryšt Alaksieja Navalnaha — tolki tryhier vychadu pratestoŭcaŭ na vulicy, a sapraŭdnaja pryčyna — kryzis ułady, jaki staŭ vidavočny dla rasijan.
«Vychad biazzbrojnych ludziej na vulicy ŭ mnohich haradach krainy, u tym liku va Ułan-Ude, rascenieny jak nieadekvatnyja pavodziny niepaŭnaletnich, choć pa ŭsich sietkach vidać i čuvać aburanyja vokličy ludziej, siaredni ŭzrost jakich 20-40 hadoŭ. Aburanych ludziej, jakija stamilisia ad samavolstva, biezzakońnia i žabrackaha isnavańnia bieź jakoha-niebudź praśvietu. Aryšt Navalnaha tolki infarmacyjnaja nahoda, jakaja pasłužyła spuskavym miechanizmam vychadu ludziej na płoščy haradoŭ! Ludzi chočuć być pačutymi! I asnoŭnaja pryčyna — heta kryzis usiaho i ŭsich, viarchi nie chočuć, nizy nie mohuć», — napisaŭ Marchajeŭ.
Jon adznačyŭ, što «na fonie padziej, jakija adbyvajucca, my praciahvajem zvalvacca ŭ nieviadomaść, u chaos i razruchu! Pad niaspynnyja, na fiederalnym i rehijanalnym uzroŭniach, chvalebnyja i chłuślivyja łozunhi ab niejkaj śvietłaj budučyni!» Pryčym «abiacanaja dziejučaj uładaj śvietłaja budučynia padrychtavanaja dla vielmi vuzkaha i vyznačanaha koła ludziej, jakija abviaścili siabie samadziaržaŭnaj uładaj».
