Kampanija OBK Standart zajaviła, što razryvaje kantrakt z brendam Liqui Moly, choć dla jaje heta niaprostaje i ciažkaje rašeńnie.
«… Jak vam viadoma, naš pastaŭščyk — kampanija Liqui Moly — 17 studzienia zajaviła pra admovu ŭ sponsarstvie ČS pa chakiei ŭ vypadku jaho praviadzieńnia ŭ Minsku. Heta palityzavanaja zajava kamiercyjnaj arhanizacyi robić niemahčymym naša dalejšaje supracoŭnictva pa całkam vidavočnych dla ŭsich pryčynach. Naša zadača — zabiaśpiečyć našaha spažyŭca jakasnym praduktam u samyja karotkija terminy i zachavać pracoŭnyja miescy našych supracoŭnikaŭ (kaleh, piersanału). U našaj kampanii niama mety i ambicyj unosić raskoł u sercy našych klijentaŭ. Nam patrebna stabilnaja ekanomika i zadavoleny našaj pracaj klijent.
Jakasnyja pradukty Liqui Moly zavajavali sercy biełaruskich spažyŭcoŭ, ale my nie chočam nastrojvać suprać siabie tych z našych klijentaŭ, jakija kateharyčna nie zhodnyja z vykazanaj Liqui Moly pazicyjaj u dačynieńni da čempijanatu śvietu pa chakiei ŭ Respublicy Biełaruś. Na žal, my vymušanyja spynić pastaŭki hetaha praduktu ŭ Biełaruś. Ź ciažkim sercam razryvajem hety kantrakt!» — zajavili ŭ kampanii.
