president.gov.by
Łukašenka vykazaŭ pierakanańnie, što z časam krainy pačnuć uvodzić cenzuru ŭ sacyjalnych sietkach. Ale, padkreśliŭ jon, Biełaruś nie moža być zavadataram hetaha pracesu. «Napeŭna, toj, chto sparadziŭ hetaha źmieja i vypuściŭ z butelki, hety praces i pavinien pačynać, — skazaŭ jon. — My naohuł heta zrabić nie zmožam. Kali my zakryjem adzin kirunak, u nas vylezie ŭ inšym».
Razam z tym ličyć, što nieabchodnaja vielmi žorstkaja zabarona na ŭmiašańnie ŭ asabistaje žyćcio i razbureńnie hramadska-palityčnaha ładu dziaržavy.
«Dziakujučy sacyjalnym sietkam i miesiendžaram, my možam ciapier sparadzić płanietarnuju revalucyju. Vy bačycie, što siońnia va ŭsich krainach adbyvajucca padobnyja padziei, jakija kirujucca praz hetyja sietki i nie ź miesca. Jak u nas było: usio kiravałasia z terytoryi Polščy i Litvy, — adznačyŭ jon. — Tamu tak, my na parozie pryniaćcia hetych pastanoŭ. Ale jany pavinny zychodzić ad mocnych hetaha śvietu».
Alaksandr Łukašenka zajaviŭ, što ŭ najbližejšyja miesiacy ŭ hetaj śfiery ŭ Biełarusi buduć pryniatyja dadatkovyja miery dla abarony intaresaŭ dziaržavy i naroda.