«Vasil vyjechaŭ u Biełaruś mienavita dla lačeńnia. Jon vielmi ciažka pierachvareŭ na karanavirus. Usia jahonaja siamja taksama pierachvareła, ale ŭ jaho vyjavilisia ŭskładnieńni», — paviedamili Svabodzie ŭ Lvoŭskaj abłasnoj arhanizacyi Asacyjacyi vieteranaŭ MUS Ukrainy.
U roznyja časy Vasil Pisny ačolvaŭ Ciarnopalskaje i Lvoŭskaje abłasnyja ŭpraŭleńni MUS Ukrainy, uznačalvaŭ departamient baraćby z ekanamičnaj złačynnaściu ministerstva.
Ź vieraśnia 2015-ha da červienia 2019 hoda pracavaŭ namieśnikam načalnika Hałoŭnaha ŭpraŭleńnia SBU pa baraćbie z karupcyjaj i arhanizavanaj złačynnaściu.
«U SBU Vasil Pisny byŭ vypadkovaj fihuraj. Jon usio žyćcio pracavaŭ u sistemie Ministerstva ŭnutranych spraŭ i tolki pry Parašenku byŭ pryznačany ŭ SBU», — skazaŭ Svabodzie adzin z byłych supracoŭnikaŭ Słužby biaśpieki Ukrainy.
Ukrainskija ŚMI pisali pra toje, što nibyta ŭmovaj pryznačeńnia Vasila Pisnaha ŭ SBU byŭ pošuk kampramatu na mera Lvova Andreja Sadavoha, u jakoha pačaŭsia tady tryvały kanflikt z prezidentam Parašenkam.
Paśla pieramohi Uładzimira Zialenskaha na prezidenckich vybarach u 2019 hodzie Vasil Pisny byŭ zvolnieny z SBU i ŭžo nie viartaŭsia ŭ pravaachoŭnyja orhany.
