Narodny artyst SSSR Vasil Łanavoj, jaki raniej byŭ špitalizavany z karanavirusam, pamior va ŭzroście 87 hadoŭ, piša TASS.
Raniej u čaćvier dyrektar Dziaržaŭnaha akademičnaha teatra imia Jaŭhiena Vachtanhava Kirył Krok paviedamiŭ TASS, što artyst pieraviedzieny ŭ reanimacyju.
2 studzienia stała viadoma, što ŭ 87-hadovaha Vasila Łanavoha i jaho žonki Iryny Kupčanka znojdzieny karanavirus. Z ulikam vieku akciora było pryniata rašeńnie ab špitalizacyi. U Łanavoha było vyjaŭlena paražeńnie 5% lohkich, pastaŭleny dyjahnaz «pnieŭmanija».
Łanavoj słužyŭ u Maskoŭskim teatry imia Vachtanhava i adnačasova zdymaŭsia ŭ mnostvie filmaŭ: «Pavieł Karčahin» (1957), «Punsovyja vietrazi» (1961), «Vajna i mir» (1965-1968 hh.), «Siamnaccać imhnieńniaŭ viasny» (1973), «Hanna i Kamandor» (1974), «Dni Turbinych «(1976). Kultavym savieckim akcioram jaho zrabiŭ film «Aficery» (1971).
