13-ha lutaha ŭ minskim Moładzievym teatry estrady biełaruski bard, akcior, paet i šoŭmien Viktar Šałkievič zładzić tradycyjny kancert da Dnia zakachanych. A dapamoža Šałkieviču aktor i muzyka Anatol Kandyba.
«Stanovišča ŭ Ajčynie nahadvaje pačatak viadomaha ramana: «Vsio śmiešałoś v domie Obłonskich…» Tym nie mienš, pamirać źbirajsia, ale žyta siej, — zaŭvažajuć muzyki. —
Kancerty online — nie najlepšaje vyjście ź situacyi, tamu što artystam patrebnaja publika, hledačy i słuchačy, jakija žyva reahujuć na tuju ci inšuju mietafaru, paraŭnańnie, daścipna skazanaje słova…
Tamu, kaniešnie, majuć prava na žyćcio niejkija napaŭmasavyja hladoviščy, kancerty, vystavy, bo inakš ździčejem, akłopimsia i zaŭšyviejem, ale i na kancertach pavinnyja ŭžyvacca dziejsnyja srodki abarony ad virusa. Hetym buduć zajmacca admysłova abučanyja ludzi.
Što tyčycca nas, vykanaŭcaŭ, to tut my prademanstrujem i tradycyjnaje staroje, ale viečna zialonaje, i dobraje, ale troški padzabytaje, i novaje, nie čutaje zusim, i pra patrona ŭsich zakachanych śviatoha Valancina nie zabudziemsia.
Kali majecie achvotu i firmovuju masku ad 3M, to zaprašajem».
Kancert pačniecca a 19:00.
Kvitki kaštujuć ad 19 da 33.00 rubloŭ, ich možna nabyć anłajn.
Infarmacyja: (44) 5517706, (29) 8517706.
