U aŭtorak, 26 studzienia, praz terytoryju Biełarusi zrušvajecca cykłon «Łars». Mienavita jon staŭ pryčynaj składanych umoŭ nadvorja: krainu nakryli mocny mokry śnieh, zavirucha, doždž. U asobnych rehijonach zafiksavany istotny pryrost śniežnaha pokryva.
U vyniku niepahadzi ŭźnikli technałahičnyja parušeńni ŭ elektrasietkavym kompleksie (na hety momant bolš za ŭsio ŭ Bresckaj i Hrodzienskaj abłaściach).
Rabotnikaŭ abłasnych enierhasistem pieraviali ŭ režym pavyšanaj hatoŭnaści. Jany prystupili da likvidacyi nastupstvaŭ stychii.
Pa stanie na 16:00 u cełym pa krainie takimi pracami zajmajucca 280 bryhad (kala 460 čałaviek), pryciahnuta 160 adzinak techniki. Elektrazabieśpiačeńnie adnaŭlajuć u 284 nasielenych punktach, 190 ź jakich znachodziacca ŭ Bresckaj vobłaści.
