U administracyi kalinkavickaha zavoda novyja vokny pastavili ručkami na dvor? FOTAFAKT
U Redakcyju dasłali fotazdymak, na jakim bačna, što častka voknaŭ administracyjnaha budynka Kalinkavickaha zavoda bytavoj chimii nibyta pavinna adkryvacca vonki. Jany ŭstalavanyja ručkami na dvor. «Kurjozy budaŭnictva? Jak možna było pierabłytać škłopakiety i ŭstalavać nie tym bokam?» — zadaŭsia pytańniem čytač.
Jak vyśvietliłasia, tak było zroblena śpiecyjalna. Na zavodzie «NN» patłumačyli, što pry zamienie voknaŭ admysłova rabili ich z ručkami vonku. Z kłopatam pra budučyniu, kali pracaŭnikam zmoža spatrebicca evakuacyja.
Ź inšaha boku ručki na škłopakietach taksama jość, pieražyvać nie varta. Zhadanyja vokny jakraz vychodziać na avaryjnuju leśvicu, i pry nieabchodnaści pasłužać dadatkovym vychadam, jaki zmohuć adkryć i ratavalniki, i sami pracaŭniki pradpryjemstva.