Za kratami Juryj z 10 žniŭnia — šaściora ŭ cyvilnym zatrymali jaho na pracy.
Jaho žonka Kaciaryna raskazała «Našaj Nivie», što niečakana adčuła vialikuju chvalu salidarnaści:
«Napačatku siezonu ja napisała ŭ instahramie, što kamu nie pryncypova, dzie mianiać šyny, možna pryjechać na servis da nas. Vielmi šmat chto adhuknuŭsia. Pryjazdžali navat tyja, u kaho svoj šynamantaž».
Spačatku na mužčynu zaviali spravu pa artykule 293 (Masavyja biesparadki, jakija supravadžalisia pahromami, padpałami, źniščeńniem majomaści abo ŭzbrojenym supracivam pradstaŭnikam ułady), ale paśla pierakfalifikavali artykuł na 342-hi (Hrupavyja dziejańni, jakija hruba parušajuć hramadski paradak).
Juryja abvinavačvali ŭ tym, što jon akazvaŭ vidavočnaje niepadparadkavańnie milicyi, pierakryvaŭ prajeznuju častku, błakavaŭ ruch transpartu, parušaŭ dziejnaje zakanadaŭstva ab masavych mierapryjemstvach.
Sam mužčyna kazaŭ, što 9 žniŭnia sapraŭdy vychodziŭ uviečary ŭ horad na znak pratestu, ale maksimum, što rabiŭ, — vykrykvaŭ łozunhi, pisała «Viasna».
Rašeńnie pa spravie Savickaha abviaścili 21 studzienia.
Sudździa Kastryčnickaha rajona Alaksandr Rudenka daŭ mužčynu try hady chimii z nakiravańniem u papraŭčuju ŭstanovu adkrytaha typu — roŭna stolki zaprasiŭ prakuror.
Juryj vysłuchaŭ svoj prysud z uśmieškaj. Paśpieŭ navat padmirhnuć žoncy.
Mužčynu adrazu paśla suda vypuścili pad padpisku ab niavyjeździe, pakul prysud nie ŭstupić u siłu.
«Naša voźmie abaviazkova», — skazaŭ Juryj u pieršyja chviliny vychadu na volu.
