Maksim Znak i Maryja Kaleśnikava sustrakajucca z advakatami, paviedamlaje telehram-kanał, u kabinietach dla asabliva niebiaśpiečnych złačyncaŭ, jakija prysudžanyja da pažyćciovaha terminu abo śmiarotnaha pakarańnia.
U SIZA na Vaładarskaha dva takija kabiniety. Maryju i Maksima ad advakataŭ adździalajuć hłuchija dźviery, nievialikaje akienca i sietka. Sustrečy ž sa śledčymi prachodziać u zvyčajnych kabinietach, ale kali Maryja i advakat pavinny sustrakacca dalej u hety dzień, to ich pieravodziać u adzin z dvuch asablivych kabinietaŭ.
19 studzienia zdaryŭsia kazus. Ludmiła Kazak čakała Maryju. Ale zamiest padabaronnaj u kabiniet zaviali Maksima.
«Heta nie da mianie», — skazała Ludmiła kanvairam.
«Nie, heta da vas», — prahučaŭ adkaz i dźviery za Maksimam Znakam začynili na zamok.
Maksim uśmichnuŭsia, pieradaŭ pryvitańni. Apovied ab karotkaj sustrečy z Maksimam padniaŭ nastroj i Maryi.