Za arhanizacyjaj staić były kiraŭnik štaba Valeryja Capkały Andrej Łankin. U minułym Łankin byŭ prajektnym mieniedžaram, pracavaŭ u takich bujnych prajektach, jak MTBank, «Atłant-Telekam», apošnim miescam pracy byŭ Wargaming, adkul Łankin zvolniŭsia pierad pačatkam vybaraŭ.
Andrej Łankin hraŭ zaŭvažnuju rolu ŭ kampanii Capkały, ale paśla abjadnańnia vakoł Cichanoŭskaj praktyčna źnik z radaraŭ. Nie tak daŭno Łankin dałučyŭsia da Kruhłaha stała demakratyčnych siłaŭ (KSDS), jaki pravodzić Juryj Vaskrasienski, jaki vykonvaje rolu «ŭdzielnika dyjałohu z uładami». Darečy, najchutčej, što ofis partyi budzie jakraz znachodzicca pa adrasie Charužaj, 25/1-6. Tam raniej mieściŭsia štab Viktara Babaryki, a ciapier KSDS.
Taksama nie tak daŭno pra svajo žadańnie stvaryć palityčnyja partyi zajaŭlali niekalki prarasijskich aktyvistaŭ, u tym liku Siarhiej Łušč. Tym nie mienš, Ministerstva justycyi pakul nie rehistravała novyja ŭtvareńni.