Pra heta jon paviedamiŭ u svaim Telegram-kanale.
Pavodle jaho słoŭ, na ŭskrainie čačenskaha siała Katar-Jurt była praviedziena śpiecapieracyja, u vyniku jakoj źniščyli bandu Asłana Biutukajeva z šaści čałaviek, jakija znachodzilisia ŭ fiederalnym vyšuku.
Kiraŭnik Čačni raspavioŭ, što śpiecapieracyju daŭno spłanavali i jon asabista braŭ udzieł u raspracoŭcy płana. Bandhrupie pry hetym dvojčy ŭdavałasia sychodzić ad pieraśledu i sutyčki. Treci raz padazravanym schavacca nie ŭdałosia, niekatoryja z bajevikoŭ, źniščanych na miescy, užo apaznanyja.
Kiraŭnik Čačni taksama adznačyŭ, što asabista paviedamiŭ Uładzimiru Pucinu ab paśpiachovym źniščeńni bandy, a toj pavinšavaŭ z paśpiachovaj śpiecapieracyjaj.
Asłan Biutukajeŭ razam z Doku Umaravym uziaŭ na siabie adkaznaść za terakt u maskoŭskim aeraporcie Damadziedava 24 studzienia 2011 hoda, kali zahinuli 37 čałaviek. Śledčy kamitet zavočna abvinavaciŭ jaho ŭ stvareńni ŭstojlivaj uzbrojenaj hrupy i złačynnaj supołki.