Fota Nadziei Bužan
— Pavažany Andrej Ivanavič, ja moh by nahadać Vam ab tym, što M. A. Kaleśnikava zatrymanaja za vyražeńnie svajho mierkavańnia, i heta zatrymańnie jość parušeńniem bazavaha prava čałavieka — prava na svabodu słova. Ja b moh nahadać taksama pra toje, što M. A. Kaleśnikava zaŭsiody dziejničała publična i adkryta i nikoli nie demanstravała namiery pakinuć terytoryju Respubliki Biełaruś, piša Tut.by.
Svanidze prosić taksama ŭličyć, što ŭmovy ŭtrymańnia Maryi mohuć nanieści niepapraŭnuju škodu jaje zdaroŭju: jaje, jakaja nie kuryć, trymajuć u kamiery z kurcami, z-za čaho ŭ jaje raźviŭsia pastajanny kašal, a prośba ab sustrečy ź lekaram ź listapada nie zadavolenaja, havorycca ŭ liście.
— Vidać, što M. A. Kaleśnikava nie niasie hramadskaj niebiaśpieki i prymianieńnie da jaje miery strymańnia ŭ vyhladzie zaklučeńnia pad vartu źjaŭlajecca zališnim i niepraparcyjna žorstkim, — adznačaje Mikałaj Svanidze i z ulikam abstavin i asoby Kaleśnikavaj prosić acanić metazhodnaść utrymańnia jaje pad vartaj i pryniać humannaje rašeńnie.
Kaleśnikava źmieščana pad vartu 8 vieraśnia, 16 vieraśnia joj vystaŭlena abvinavačvańnie ŭ ździajśnieńni złačynstva pa č. 3 artykuła 361 KK Biełarusi (Zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś, učynienyja z vykarystańniem ŚMI abo sietki Internet).
List adpraŭleny 13 studzienia.
