Fota z telehram-kanała Śviatłany Cichanoŭskaj
Cichanoŭskaja prapanavała arhanizacyi pa biaśpiecy i supracoŭnictvie ŭ Jeŭropie (ABSIE) ŭziać na siabie arhanizacyju dyjałohu pa vyrašeńni kryzisu ŭ Biełarusi. Pačać z ekśpiertnaha kruhłaha stała z udziełam ES, demakratyčnych sił Biełarusi, KR i pradstaŭnikoŭ režymu Łukašenki. «My raźličvajem pravieści vybary za 45 dzion, i nam patrebna dapamoha ŭ hetym», paviedamlaje jaje telehram-kanał.
Taksama padčas sustrečy było zakranuta pytańnie viartańnia Navalnaha ŭ Rasiju.
Śviatłana zaklikała mižnarodnyja arhanizacyi dapamahčy ŭ arhanizacyi biaśpiečnaha viartańnia dadomu dla jaje i inšych lidaraŭ demakratyčnych sił:
«Razam ź mižnarodnaj supolnaściu ja b chacieła znajści mahčymaści biaśpiečna viarnucca ŭ Biełaruś. Pakolki suprać mianie raspačali dźvie kryminalnyja spravy ź Miždziaržaŭnym vyšukam, heta pavinny być śpiecyjalnyja harantyi majho viartańnia. Situacyja z Navalnym pakazała, što ŭ hetym patrebnaja dapamoha mižnarodnaj supolnaści i, pierš za ŭsio, ABSIE», — miarkuje Cichanoŭskaja.