Dziarždepartamient ZŠA padtrymaŭ rašeńnie Mižnarodnaj fiederacyi chakieja na lodzie (IIHF) pazbavić Biełaruś prava praviadzieńnia ŭ hetym hodzie čempijanatu śvietu, piša TASS.
«My vitajem rašeńnie Fiederacyi pieranieści praviadzieńnie čempijanatu śvietu pa chakiei ź Biełarusi. Čakajem ź nieciarpieńniem, kali składucca prydatnyja ŭmovy dla adnaŭleńnia mižnarodnych spabornictvaŭ», — havorycca ŭ apublikavanym u paniadziełak u Twitter paviedamleńni kiraŭnika pres-słužby amierykanskaha dypviedamstva Morhan Artehus.
Pradstaŭnica Dziarždepartamienta zaklikała biełaruskija ŭłady «spynić kampaniju cisku na atletaŭ i represii».
U paniadziełak rada IIHF pazbaviła Minsk prava pryniać matčy čempijanata śvietu, jaki pavinien prajści z 21 maja pa 6 červienia. Roznyja jeŭrapiejskija hramadskija arhanizacyi zaklikali Fiederacyju pieranieści turnir ź biełaruskaj stalicy z-za napružanaj palityčnaj situacyi ŭ krainie. U studzieni niekalki bujnych sponsaraŭ zajavili, što admoviacca finansavać čempijanat, kali jon projdzie ŭ Biełarusi. Svajo rašeńnie IIHF patłumačyła pytańniami biaśpieki, jakija znachodziacca pa-za jaje kantrolem.