Elektrazabieśpiačeńnie na praciahu sutak pieryjadyčna parušałasia ŭ 135 nasielenych punktach Biełarusi z-za ŭmoŭ nadvorja, paviedamlaje Biełenierha.
Fota Nadziei Bužan
Na praciahu sutak na terytoryi krainy naziralisia niespryjalnyja mietearałahičnyja źjavy ŭ vyhladzie śniehu. Maksimalnaja vyšynia śniežnaha pokryva skłała 25 sm u Słuckim rajonie Minskaj vobłaści. Na praciahu sutak pieryjadyčna parušałasia elektrazabieśpiačeńnie 135 nasielenych punktaŭ.
Pa stanie na 6.00 8 studzienia biez elektrazabieśpiačeńnia zastavalisia 77 nasielenych punktaŭ. U vyniku parušeńnia funkcyjanavańnia abjektaŭ žyćciezabieśpiačeńnia nichto nie paciarpieŭ.
U Hrodzienskaj i Mahiloŭskaj abłaściach padraździaleńni viedamstva akazvali dapamohu ŭ vymańni sa śniežnych zanosaŭ lehkavoha i troch hruzavych aŭtamabilaŭ. U Bresckaj i Minskaj abłaściach zafiksavali try vypadki padzieńnia dreŭ na prajeznuju častku daroh. Paciarpiełych niama.
