List Darji Radźkoŭskaj da Kaciaryny Barysievič u SIZA.
«Pryvitańnie, mamačka!
Pišu tabie z tvajoj rodnaj vioski. Užo najełasia baršču, vypiła harbaty z torcikam. Paśmiajalisia, jak zaŭsiody ź dziadulem. Viedaješ, u ich staić takaja pryhožaja jołka, jak u tvaim dziacinstvie, z navahodnimi cackami i srebnym doždžykam. Abaviazkova sfatahrafuju, kab ty, jak vierniešsia dadomu, ubačyła hety maleńki cud.
Jak u ciabie spravy? Ci dobra jasi? Ci trymaješ svaje nožki ŭ ciaple?Jakuju knižku zaraz čytaješ? Kali łaska, pišy ŭsio padrabiazna. Chaču padzialicca, mamačka, z taboj maleńkaj radaściu. Amal paśla miesiaca błukańniaŭ ja viarnułasia narešcie dadomu. Ciapier ja mahu lažać pad lubimym taršeram i ŭspaminać našy siamiejnyja viečary. Ja adrazu zrabiła hienieralnuju ŭborku, zalezła ŭ kožny kutočak kvatery, vyniesła try pakiety ŭsiaho niepatrebnaha (na moj pohlad). Tak što Novy hod pačnu z «čystaha arkuša».
Učora viartałasia z kramy, dyk pačaŭsia taki śniehapad (a ŭ vioscy zusim śniehu niama). Ja niekalki chvilin stajała i łaviła śniažynki. Adčuła siabie tak lohka i bieskłapotna — daŭno tak nie było.
Niadaŭna adpraviła tabie paštoŭku ź dźviuma sovami. Pryznajsia, ci atrymała jaje?
Pamiataješ, ja raskazvała tabie pra šopier? Dyk voś, ja jaho ŭžo zabrała i chadžu ź im usia takaja modnaja.
Pra našy sumiesnyja płany. Što my z taboj zrobim najpierš, jak usio skončycca? Kudy pojdziem na kavu? Jak ty hladziš na «marafon» filmaŭ pra Italiju? Ja stolki ŭsiaho zapłanavała, zastałosia tolki ciabie dačakacca. Tolki napisała pra Italiju, jak babula pieradała paštoŭku z savoj ad ciabie, dzie ty pryhadvaješ pra naša padarožža ŭ Sarenta. Soŭłmiejty, mienavita tak.
Ja ciabie vielmi lublu, darahaja. Pastajanna pieračytvaju tvaje listy, jany padymajuć nastroj. Dziakuj tabie vialiki. My hanarymsia taboj, zaŭsiody pamiataj pra heta. Babula ź dziadulem pieradajuć tabie pryvitańnie i mocna abdymajuć. A ja całuju ŭ nosik. Da pabačeńnia, maja darahaja!
P.S. Pravierym, ci pamiataješ, ty anhlijskuju movu. Budziem ličyć, što ja zamoviła dla ciabie pieśniu na Novy hod.
Dancing in my room, swaying my feet
Tryna give you love and a kiss on the cheek
Cotton candy skies like I'm stuck in a dream
And I've been feeling blue, you're the one that I need
And baby, yeah, you give me reasons
Just to fight all of my demons
Yeah, I love it when you're speaking
‘Cause you silence all my feelings
List nadrukavany ŭ haziecie «Novy čas» (№1, 2021).
Fota z fejsbuka Kaciaryny Barysievič
***
Žurnalistka Tut.by Kaciaryna Barysievič znachodzicca ŭ SIZA ad 19 listapada pa spravie doktara Arcioma Sarokina, jaki paviedamiŭ, što ŭ Ramana Bandarenki, jaki pamior paśla źbićcia na «płoščy Pieramien», nie było ałkaholu ŭ kryvi.
Joj možna pisać na adras:
220030, Minsk, Vaładarskaha, 2, SIZA №1.
Barysievič Kaciarynie Anatoljeŭnie.
