Padčas naviedvańnia inavacyjnaha centra «Haryzont» Alaksandr Łukašenka atrymaŭ u padarunak «łazierny televizar». Jaho ŭručyŭ hienieralny dyrektar «Haryzonta» Juryj Predka. Łukašenka ŭdakładniŭ, ci raźbiarecca jon z pryładaj. «Tam nieskładana ŭsio, dastatkova prosta», — patłumačyŭ Predka.
Što takoje «łazierny televizar»? Heta prajektar, jaki vyvodzić karcinku na ścianu. Jašče ŭ minułym hodzie «Haryzont» pradstaviŭ svoj pradukt — Horizont LT400F. «Jakaść farmata 4K ź fizičnym pamieram 2*3.5 mietra dastupna pry minimalnym raźmiaščeńni prajektara ad ściany», — havaryłasia ŭ apisańni. Voś jak vyhladaje hety inavacyjny pradukt:
Prezientacyja na sajcie Ministerstva pramysłovaści
A voś jak vyhladaje prajektar kitajskaj kampanii JMGO, vypuščany jašče ŭ 2018 hodzie:
Davajcie pahladzim na pryładu zblizku. Kali Alaksandr Łukašenka adkryŭ karobku, to pabačyŭ tam voś taki devajs — šeraja praciahłaja štuka z čornaj rašotkaj.
A voś jak vyhladaje toj samy prajektar ad kampanii Jmgo — Jmgo Explorer:
Vytvorca pradaje hetu pryładu praz aŭkcyjony, na «Aliekspresie» hety łazierny televizar možna kupić za $650.
