Siońnia ŭnačy pamierła mastačka, vykładčyca, piedahoh Ała Niepačałovič. Joj było 69 hadoŭ.
Pra śmierć paviedamiła ŭ svaim fejsbuku Natalla Šaranhovič.
«U hetym novym hodzie my b adznačali jaje jubilej — 70. I adznačym — vystavaj, dobrymi słovami — ale ŭžo bieź jaje. Horka…
Ała Niepačałovič pracavała jak mastačka dekaratyŭna-prykładnoha mastactva ŭ vobłaści tekstylu. Fota z fejsbuka Natalli Šaranhovič
Pamiataju, jak jana radavałasia u minułym hodzie całkam niečakanaj dla jaje ŭznaharodzie — Nacyjanalnaj premii ŭ halinie vyjaŭlenčaha mastactva — za svaje vytančanyja tvory. My paśpieli pavitać jaje hetaj premijaj i skazać joj «dziakuj» svoječasova, pry žyćci, a nie za vočy, škadujučy ab stračanych mahčymaściach, jak časta heta adbyvajecca», — napisała Natalla Šaranhovič.
«Zdajecca, voś tolki-tolki sustrakalisia na adkryćciach, vinšavali adna adnu sa śviatami, recenzavali alinych dypłomnikaŭ na abaronie…
A płany — kolki ich u Ały zaŭždy było. Jaje nikoli nie treba było ŭhavorvać, varta tolki paprasić dapamohi. Jana «zaharałasia», i dziaŭčat-mastačak imhnienna zaciahvała ŭ svoj tvorčy vir. Mianie zaŭsiody kranała jaje staŭleńnie da ludziej i kaleh — ščyraje, pryjaznaje, adkrytaje, biez zajzdraści, tolki z pazityvam…
Jana zhareła chutka, litaralna na vačach, za niekalki tydniaŭ… Dasiul nie vierycca…
A mnie doŭha jašče budzie zdavacca, što jana dzieści niepadalok, varta tolki nabrać telefonny numar abo zaskočyć u majsterniu…»
