31 śniežnia stała viadoma, što drahičynskamu karespandentu «Pieršaha Rehijona» Siarhieju Hardzijeviču pradjaŭlena abvinavačvańnie pa častcy 1 artykuła 368 Kryminalnaha kodeksa RB («Abraza prezidenta Respubliki Biełaruś»), paviedamlaje BAŽ.
22 śniežnia Siarhiej Hardzijevič byŭ zatrymany na 72 hadziny, a paśla da jaho była prymieniena miera strymańnia ŭ vyhladzie chatniaha aryštu.
Ciapier pad chatnim aryštam Siarhiej Hardzijevič nie moža karystacca telefonam i internetam: takim čynam jon faktyčna pazbaŭleny mahčymaści zajmacca žurnalisckaj dziejnaściu i zabiaśpiečvać siamju.
«Vinu ŭ pradjaŭlenym abvinavačvańni Siarhiej Hardzijevič nie pryznaŭ. Jon hatovy zmahacca i dakazvać svaju nievinavataść», — raspaviała advakat Volha Aksiucik.
0
0
0
0
0
0
