Inflacyja ŭ Biełarusi pa vynikach 2020 hoda składziecca ŭ miežach 6-7%. Taki prahnoz zrabiŭ premjer-ministr Raman Hałoŭčanka na BT, paviedamlaje BiełTA.
Hałoŭčanka źviarnuŭ uvahu, što hety pakazčyk bolšy za metavyja 5%. «Ale ja liču, u ciapierašnich umovach heta nie stolki niedapracoŭka, kolki, moža być, navat dasiahnieńnie, što ŭdałosia nie vypuścić (inflacyju) u bolš vysoki kalidor», — adznačyŭ jon.
Premjer-ministr taksama raspavioŭ, što pieralik sacyjalna značnych tavaraŭ u 2021 hodzie budzie pašyrany, u hetym śpisie budzie bolš za 70 pazicyj. «Heta tyja tavary, pa jakich nasielnictva adčuvaje na sabie rost cen», — udakładniŭ Hałoŭčanka.
Razam z tym, va ŭradzie ŭśviedamlajuć, što kali ŭstalavać ceny, pa jakich niavyhadna pradavać tavar, to pradukt źniknie z rynku. «Urad budzie ŭsimi rynkavymi sposabami rehulavać, kab nie dapuścić nieabhruntavanaha rostu cen na hetyja pazicyi», — skazaŭ kiraŭnik urada.
