ES praciahnie padtrymlivać biełaruski narod stolki, kolki nieabchodna. Ab hetym zajaviŭ viarchoŭny pradstaŭnik Jeŭrasajuza pa zamiežnaj palitycy i palitycy biaśpieki Žaziep Barel.
«ES praciahnie padtrymlivać biełaruski narod stolki, kolki nieabchodna, u abaronie jaho fundamientalnaha prava vybirać svajho prezidenta na svabodnych i sumlennych vybarach. I jon hatovy istotna pavialičyć svoj udzieł i padtrymku demakratyčnaj Biełarusi za košt pavieličeńnia finansavaj dapamohi i siektaralnaha supracoŭnictva», — napisaŭ pradstaŭnik ES.
Barel paviedamiŭ, što ES užo pravioŭ «poŭnuju reviziju» adnosin ź Biełaruśsiu. U vyniku skaročanyja palityčnyja kantakty i «siektaralnyja dyjałohi» z uładami, prypynienaja albo spynienaja finansavaja padtrymka centralnaj ułady. Pavialičana padtrymka nasielnictvu krainy.
