Z 23 śniežnia ŭ Minsku ŭ testavym režymie dastupnyja pasłuhi jeŭrapiejskaj transpartnaj płatformy Bolt.
Nastupnyja 6 miesiacaŭ servis admovicca ad tradycyjnaj kamisii, jakaja budzie pieraraźmierkavana pamiž pasažyrami i kiroŭcami: pieršyja stanuć płacić našmat mienš, a druhija, naadvarot, bolš zarablać.
Standartny taryf składaje 25 kapiejek za kožny kiłamietr i 8 kapiejek za kožnuju chvilinu. Minimalny košt pajezdki — 3 rubli. Praŭda, u testavy pieryjad u dadatku nie budzie mahčymaści pryviazać bankaŭskuju kartku, ale apłata jak najaŭnymi, tak i kartaj mahčymaja ŭ aŭtamabilach partnioraŭ-pieravozčykaŭ.
***
Bolt byŭ stvorany ŭ 2013 hodzie i pieršapačatkova pracavaŭ u Talinie i Ryzie. Ciapier kampanija achoplivaje 40 krain. Bolt dazvalaje vyklikać taksi (pracuje jak Uber) i pryvatnych kiroŭcaŭ. U vieraśni 2018 hoda kampanija prapanavała jašče i elektryčnyja skutery, paźniej zapuściła servis pa dastaŭcy ježy.